出海攻略 · 攻略
第一次包船出海：帶咩、著咩、幾時到
未包過船嘅人最常問嘅唔係價錢，係「我要準備啲乜」。一張清單搞掂。
船上有咩、冇咩
包船唔似去餐廳，冇人會幫你叫嘢食。船上有嘅係船、船員、SUP、充氣艇、卡拉OK、救生衣、枱櫈同遮陰。其他嘢，你哋帶。
嘢食嘢飲點準備
嘢食嘢飲：帶夠一日份量，加冰。最好係唔使加熱、用手食得嘅：飯糰、三文治、水果、燒賣點心打包都得。生日蛋糕可以帶，記得帶刀同碟。飲品帶罐裝或者有蓋樽，海上有風，開口杯好易倒。
著乜、帶乜
著乜：泳衣著喺衫入面，上船就可以落水。帶毛巾、拖鞋、帽、太陽眼鏡，防曬每兩個鐘補一次。夜遊就帶件薄外套，海面比岸上涼。
電話同影相
電話：帶防水袋。想影相嘅話，SUP 上面影最好睇，但隻手機要掛頸。
幾時到上船位置
幾時到：出發前 15 分鐘到上船位置就夠。日遊 10AM 出發，6PM 返；夜遊 7PM 出發。遲到唔會延長時間，因為隻船下一場可能已經有人訂。
最後一樣：垃圾袋
最後一樣：垃圾袋。帶幾個，走嘅時候一袋拎走，下一團人上船同你一樣開心。
想問邊日有船？
WhatsApp 日期同人數俾我哋，即日覆。全船最多 33 人。